Compartir
Compartir esta página

Compromiso con Galicia

Compromiso con Galicia

Queremos que a Evega siga a ser un punto de encontro co sector e unha fonte formativa para os profesionais de hoxe, pero tamén un lugar de visita e coñecemento para as xeracións que veñen tras de nós

Viñedos de la EVEGA, en Leiro.
Viñedos de la EVEGA, en Leiro.

“Do grandor do teu espírito depende todo; canto máis pequeno sexa, máis terra precisará. Se o teu pensar é fondo, a túa terra, para ti, non terá cabo; nela estará o mundo con todos os seus climas. Se o teu pensar se detén na codia das cousas, non digas tampouco: Galicia é ben pequena,es ti, que endexamais poderásconcibir nada grande.” 

(Vicente Risco, Leria, 1965)


Hai tres anos e medio subín por vez primeira as escaleiras de acceso á Estación de Viticultura e Enoloxía de Galicia (Evega). Neste tempo un equipo de profesionais, vogando na mesma dirección, alicerzou o que hoxe é o gran centro do sector vitivinícola galego. E fíxoo apoiado na confianza de se avalado pola Consellería do Medio Rural xa que, mentres no resto do Estado unhas se desmantelaban e outras se pechaban, en Galicia apostouse por unha estación enolóxica competitiva, a segunda máis nova de España pero a máis completa nas súas atribucións.

Evega demostrou que pode transformar os anceios en realidades e as ideas en feitos, como diría Castelao. Falamos do programa de selección clonal, da recuperación de variedades de cultivo tradicional, dun laboratorio que ano tras ano acredita máis técnicas e parámetros, da actividade investigadora e de I+D+i. Ademais das colaboracións en publicacións técnicas, científicas ou divulgativas, Evega fai difusión directa de innovacións en cursos, xornadas e talleres; contribúe á formación dos futuros profesionais a través de convenios cos centros de formación profesional, desenvolve prácticas curriculares e adestra a bolseiros.

Hoxe Evega escribe outra páxina no texto da súa historia; o relato de trinta e dous anos de vida dunha entidade que, como a cepa do conto de Otero Pedrayo, resistiu a filoxera dos tempos e as crises. Unha vez que acadamos o obxectivo básico como centro público, sentímonos na obriga moral de ofrecer máis e por iso afirmamos o noso compromiso firme co futuro do rural galego.

Queremos que a Evega siga a ser un punto de encontro co sector e unha fonte formativa para os profesionais de hoxe, pero tamén un lugar de visita e coñecemento para as xeracións que veñen tras de nós. Por iso adquire, dende xa, ese compromiso substanciado nunha aposta por potenciar a calidade, o respecto medioambiental, a formación, a investigación e a conservación da biodiversidade; parámetros que nos converterán nun núcleo xerador de oportunidades para o mundo vitícola galego. 

Somos un pequeno centro en dimensións pero grande en servizos e temos un compromiso co rural; un compromiso con Galicia.

Juan Casares Gándara.
autor
Juan Casares Gándara

Director de la Esctación de Viticultura y Enología de Galicia (EVEGA)

+ artículos
Las mejores bodegas de Galicia

Muchas décadas acompañan a la bodegas de Galicia elaborando vinos con gran pasión, cuidado, cariño y con una de las mejores materias primas del Mundo.

Ver bodegas
Vinos con denominación de Origen

Galicia es una tierra de buenos vinos. En sus viñedos están los secretos de los vinos de las Rías Baixas, Ribeira Sacra, Ribeiro, Valdeorras y Monterrei.

Ver vinos
Mapa de bodegas de Galicia

Encontrarás todas las bodegas de Galicia geolocalizadas en Google Maps y utilizar StreetView para dar un paseo virtual por sus instalaciones.

Ir al mapa